لما تحب تخرج وماتلاقيش غير قاعة المؤتمرات اللى بتقفل قبل ماتروح اساسا ...يبقى انت اكيد فى بنى سويف
لما تقابل واحد صاحبك فى الاباصيرى وبعد ساعتين من اللف والدوران والمهابرة تلاقيه بينادى عليك فى وسط البلد... يبقى انت اكيد فى بنى سويف
لما تركب سرفيس 5 اوسرفيس 8 وتلف بيهم البلد من اولها لاخرها... يبقى انت اكيد فى بنى سويف
لما تروح الجامعة تلاقى شويةبنات وتتخنق تروح نازل ع النادى تلاقى نفس البنات تتخنق اكتر تروح طالع ع المؤتمرات تلاقيهم قاعدين مستنيينك... يبقى انت اكيد فى بنى سويف
لما يبقى اكبر مول فى بلدك مول الشعراوى اللى هو دورين بس ... يبقى انت اكيد فى بنى سويف
لما الواد يقف قدام شئون الطلبة فاكر ان كل البنات بتبص عليه( حتى لو متجوزة وحامل فى توام) وكل البنات فاكرة ان كل الولاد بتبص عليها... يبقى انت اكيد فى بنى سويف
لما تقف فى بلكونة بيتكم فى ظرف نص ساعة تكون شفت كل اصحابك بلا استثناء... يبقى انت اكيد فى بنى سويف
لما تلاقى نفسك ماشى فى الشارع الساعة 12 بالليل لوحدك كانك فى صحرا بالظبط ...يبقى انت اكيد فى بنى سويف
(لما تقف تتكلم مع واحد مابيكملش الكلمة الواحدة وانت عليك تقعد تخمن الباقى وماتبقاش قف(قفل يعنى) ...يبقى انت اكيد فى بنى سوي (بنى سويف يعنى)