السلام عليكم
دى لعبه كانت موجوده على الفيس بوك
وعجبتنى يارب تعجبكم
هى اسمها لعبه الشايب
هنعد من واحد لحد 5 ورقم 5 هو اللي هيحكم على حد من الاعضاء انه يجاوب على مواقف محرجة ممكن اي حد فينا يتعرض ليها
واليكم المواقف
الموقف الاول ( لو كان المحكوم عليه بنت ) ياترى هتعملي لو دخلتي المحاضرة
في اول يوم دراسة وانتي في قمة السعادة والابتسامة مالية وشك وروحتي قعدتي في مكانك وفجأة بدأتي تحسي باحساس غريب اوي ... حسيتي انك تحتك حاجة مبلولة وبتبصي لاقيتي فعلا حد سخيف كب ميه على المكان اللي انتي قاعدة فيه والسخيف ان زميلتك اللي قاعدة جنبك حاطة ايدها على بقها وعمالة تضحك والاسخف ان الدكتور بينده عليكي وبيقولك تعالي يا دكتورة ارسمي الرسمة دي على السبورة
الموقف التاني (( أولاد فقط )) تعمل ايه لو
ماشي في الشارع انت وخطيبتك ( بعد عمر طويل ) وفجأة لاقيت واحدة طلعت من البلكونة وكبت عليك انت وخطيبتك طشت ميه لسة ماسحة بيه الشقة كلها ؟؟؟
المواقف الجاية لجميـــــــــــــع الاعضاء ولاد وبنات
تعمل ايه لو ماشي في الشارع وفجأة لاقيت عيل صغير قاعد على الرصيف وعمال يعيط ويقول ماما ماما فانت بطيبة قلبك روحت وقعدت تكلمه فمفهمتش منه حاجة فمشيت بيه عشان تدور على اهله ومرة واحدة طلع حد من وراك وقالك شايفك يا حرامي العيال الصغيرة منكم لله ربنا يحرق قلبكم زي ما حرقتوا قلبنا كل الفترة دي وفضل ماسك فيك ومش راضي يسيبك الا لما البوليس ييجي ولم عليك الشارع كله ومعندوش اي قابلية للتفاهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تعمل ايه لو كنت واقف لوحدك في الشارع وبعدين بتبص لاقيت حد بيبصلك جامد اوي وبيضحكلك وبعدين بدأ يقرب منك ويضحك وقرب كمان والابتاسمة مفرقتش وشه وبيمدلك ايده روحت طبعا انت ضحكت ومدلته ايدك لاقيته بيسلم على حد واقف وراك بالظبط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تعمل ايه لو كنت ماشي في شارع ضالمة لوحدك وبعدين سمعت صوت حد عمال يقول اه اه الحقوني يا ناس بصوت واطي اوووووي وهو بيتالم بعدين بصيت تحت رجلك لاقيت واحد غرقان في دمه وبيقولك الحقني انا بموت ؟؟؟؟؟؟؟؟؟
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
راكب في ميكروباص باليل وبعدين فجأة لاقيت اربع رجالة كدة بيوقفوا الميكروباص وبينزلوا كل الناس اللي فيه وبيقولهم كل واحد يطلع كل اللي في جيبه بالزوق وواحد من الركاب هيقولهم لا مش هاطلع حاجة فهيضربوه بالنار وبعد ما يلموا كل حاجة ويخلصوا هيروحوا كلهم في نفس البوء يضحكوا جامد اوووووووي ويقولولكم اهلا بيكم في الكاميرا الخفية والراجل اللي اتضرب بالنار ده معاهم
هتطلع اللي في جيبك ولا لأ ؟؟؟ ولما تعرف انها كاميرا خفية هتعمل ايه ؟؟
انتهى
...
يارب تعجبكم
