shbabalda3oa

shbabalda3oa

من الجميل ان تزرع ورده فى بستان لكن من الاجمل ان تضع الحب فى قلب انسان انت وحد فى عيونى أجمل وأحلى ملاك انت مهما خيرونى مستحيل اعشق سواك أغضب فأنت رائع حينما تثور أغضب فلولا الموج ما تكونت البحور أغضب كن عاصفاً كن ممطراً فإن قلبى دائما غفور كل
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 طريقة تحويل ((الصديق)) ل ((عريس )) للبنااااااااااات فقط

اذهب الى الأسفل 
كاتب الموضوعرسالة
yasmin adel



عدد المساهمات : 95
تاريخ التسجيل : 17/07/2010
العمر : 21
الموقع : bani swef

مُساهمةموضوع: طريقة تحويل ((الصديق)) ل ((عريس )) للبنااااااااااات فقط   السبت نوفمبر 20, 2010 3:22 pm

احم احم
ازيكم يا حلوين

طبعا كلنا عرفنا موضوع
كيف تصطادين عريس
طبعا الموضوع قالب الدنيا
ههههههههههههههههههههههههه
احنا بقا مش هنقول كده
هنغير الشعار
احنا هنقول
كيف تدبسين عريس
طبعا كلكم عندكم اصحاب ولاد
احنا هنوفق رسين فى الحلال مش اكتر
هقولكم طريقه تحويل
صديق ل عريس

من السهل جدا يكون للبنت اصحاب اولاد "زمايل من الشغل او الدراسه او النادى او العيله" ....

لكن


من الصعب جدا انها تلاقي عريس جاد منهم يرفع الرايه البيضه و يعلن الاستسلام التام و هو رايح عند اهلها شايل معاه علبه الشيكولاته وسالف بدله صاحبه و واخد في ايده اليمين والده و في ايدة الشمال ال سي في بتاعه
الموضوع صعب ....لكن مش مستحيل ....

فتحول الصاحب الي عريس ممكن لكن المهم الخطه


1- التعـــــود

تعتمد هذه الخطه علي ان البنت تلزق للولد....تطلعله من الحنفيه....تخليه يسمع صوتها قبل النوم و بعده ...تليفونات و حركات و استماع مستمر لمشاكله....و بعد ما يتحول لمدمن....تعمل Cut...تخليه يدور عليها في كل مكان...و بعد ما يفقد الامل تظهر فجأه بجمله "اصلي بصراحه مش عارفه نهايه الاحنا فيه دا ايه" يقع المعلم " انا مستعد اتقدملك"...هى تستغل الفرصه و تقول "خلاص انا هكلم ماما".


2- التقل سر الصنعه

اذا كان الولد من النوع اللي يعرف بنات كتير فالتقل هو الخطه الانسب تعتمد في الاساس علي المراوغه و الطناش....يعنى ييجي يتعرف عليها تسيبه وتمشي...يحاول يكلمها تديله الطرشه...و اول ما تحس انه هيزهق منها...تبتسمله و بعدها تكمل الطناش لحد ما ييجي رسم عليها بأعلانه عن احساسه بيها و رغبته في الارتباط بس الظروف وحشه معاه...الوقت هنا سانح للقبض عليه بجمله "بابا ممكن يقدر الظروف دى اصل انا و هو اصحاب اوىانا هحدد لك معاد معاه".


3- ماما سألتنى عليك

لما متلاقثش في الصاحب عدل ابعتيه لماما...المهم انك تقوليله ان "انا و ماما اصحاب" و توصليلو معلومه انك دايما بتحكيلها كل حاجه و تيجى في مرة تقوليله و هو بيكلمك في التليفون "استنى ماما عايزة تسلم عليك"...و تسليملها السماعه بسرعه و لان ماما هتدعيله في المكالمه بان "ربنا يوفقك يابني"...بعدها بكام يوم و كانك بتهزري "تصور ماما امبارح سألتنى امتى هاتيجى البيت" و تكرريها مرة تانيه بجد لحد ما تحددو معاد للتدبيسه قصدى للعزومه الاولى.


4- الصديقة الوفية

الصاحبه ليها عند صاحبتها ايه غير عريس ده افضل خدمه ممكن تقدمها لها و تقف جنبها فيها يعنى اول ما تنشني علي العريس و تتعرفي عليه ابعتيله صاحبتك علي انها ترشحك ليه كعروسه هايله و بنت لقطه لو خسرك مش هيلاقي زيك تانى طبعا و انتى ماتعرفيش حاجه لحد مايفاجئك بالموضوع ده و يبقي الصاحب هو الشاهد علي العلاقه و الدافع لدخول العريس البيت.


5- جانـى عريس

لو كان العريس من النوع البارد شويه حاولي تسخنيه و تحصلى في الاول علي اعتراف منه بحبه ليكى بعد الحصول...كل يومين قوليلو "تصور ماما كانت جيبالي عريس امبارح بس انا رفضت" و هكذا... لحد ماتيجى مرة تقوليلو "انا هكلمك بصراحه يا عمرو...انا كل الحجج قولتها للعرسان و ماما بتضغط عليا عشان اوافق وانت مش بتتحرك قولى حتى انك جاى و انا هتصرف معاهم" و اول ما يقول احدفيه لماما علي طول و هي هتتصرف



اى خدمه مش حرماكو من حاجه اهو
الى اللقاء فى تدبيسه اخرى
ههههههههههههههههههههههههههه


ويلا بقى عايزة اشوف شطرطكووووووو هههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nesma helmy

avatar

عدد المساهمات : 111
تاريخ التسجيل : 17/07/2010
العمر : 22
الموقع : بنى سويف

مُساهمةموضوع: رد: طريقة تحويل ((الصديق)) ل ((عريس )) للبنااااااااااات فقط   الإثنين نوفمبر 22, 2010 4:46 am

يا شيخه اتوكسى
ثم ان هو فى رجاله اساسا اليومين دول
الرجاله ماتو فى سته اكتوبر خلااااااااااااااااااااااااااااااص
تتنا نيله على حظنا الهباب Sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طريقة تحويل ((الصديق)) ل ((عريس )) للبنااااااااااات فقط
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shbabalda3oa :: القسم العام :: ضحك وفرفشه-
انتقل الى: