shbabalda3oa

shbabalda3oa

من الجميل ان تزرع ورده فى بستان لكن من الاجمل ان تضع الحب فى قلب انسان انت وحد فى عيونى أجمل وأحلى ملاك انت مهما خيرونى مستحيل اعشق سواك أغضب فأنت رائع حينما تثور أغضب فلولا الموج ما تكونت البحور أغضب كن عاصفاً كن ممطراً فإن قلبى دائما غفور كل
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قالى الوداع قولتلو .....قشطة

اذهب الى الأسفل 
كاتب الموضوعرسالة
yasmin adel



عدد المساهمات : 95
تاريخ التسجيل : 17/07/2010
العمر : 21
الموقع : bani swef

مُساهمةموضوع: قالى الوداع قولتلو .....قشطة   الخميس أغسطس 19, 2010 10:07 pm

*بعد ماعرفوا بعض بأسبوعين......

هو: أنا عايز اقولك على سر شلته فى قلبى سنين
هى: قول مالك؟
هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى
هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ يااااااااااه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟
هو: هحبك وتحبينى ياعمرى وكفاية نبقى سوا
هى: طب ياحبيبى أنا بقول كده برضه بس مانطولش فى الحكاية ماشى؟

*فاتت سنة غرام وهيام وأحلى كلام.........

هى: احنا هنفضل كده كتير ياحبيبى واهلينا مايعرفوش؟
هو: ليه ياحبيبتى أنا بسش اظبط نفسى فى الشغل واجى اتقدملك على طوووووووول
هى: امتى بقى يحصل ده؟....يااااه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير

*فاتت كمان سنة وهو ولا هنا وهى هتطق من الغيظ......

هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-
هو: كده ازاى ياحبيبتى؟ مااحنا اشطه اهو وآخر تمام
هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك
هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى

*أسبوع...اتنين...تلاته.تليفونه غير متاح...مابيردش ....وأما رد....

هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى..قصرى ..خير؟
هى: وهييجى منين الخير ياروحى وانت مانفذتش اللى اتفقنا عليه؟
هو: هو احنا اتفقنا على حاجه؟!
هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر
هى: ياواطى ياندل....ماهيتاب؟!!!! طب وأنا؟
هو: ماتغلطيش بس وانسى الجرجير واللمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت
هى: اوك..اشطه يامان. Cool ..سى يو...باى Basketball

الخلاصة

- مابنى على باطل فهو باطل
- كلمة بحبك بقت اسهل كلمة بتتقال واسهل كلمة بتتنسى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
3boda elmasry
Admin
avatar

عدد المساهمات : 256
تاريخ التسجيل : 17/07/2010
العمر : 23
الموقع : بنى سويف

مُساهمةموضوع: رد: قالى الوداع قولتلو .....قشطة   الجمعة أغسطس 20, 2010 7:57 am

جامد جاد يا ياسمين


فنتاستك توبيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shbabalda3oa.yoo7.com
nesma helmy

avatar

عدد المساهمات : 111
تاريخ التسجيل : 17/07/2010
العمر : 22
الموقع : بنى سويف

مُساهمةموضوع: رد: قالى الوداع قولتلو .....قشطة   الإثنين أغسطس 30, 2010 8:53 pm

ولأول مره ياسو تقول كلمه صح دلوقتى الولاد بقت كلمة بحبك دى زى اللبانه فبقهم شكلهم فاكرين البنات بلايستيشن حسبى الله ونعم الوكيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bobos@egy

avatar

عدد المساهمات : 2
تاريخ التسجيل : 03/08/2010

مُساهمةموضوع: رد: قالى الوداع قولتلو .....قشطة   الخميس سبتمبر 09, 2010 7:15 pm

ايه يا نسمة براحة علينا يا بنتي انت مالك سخنة علينا ليه Laughing توبيك جميل يا ياسمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nesma helmy

avatar

عدد المساهمات : 111
تاريخ التسجيل : 17/07/2010
العمر : 22
الموقع : بنى سويف

مُساهمةموضوع: رد: قالى الوداع قولتلو .....قشطة   الجمعة سبتمبر 10, 2010 1:29 am

انا مش سخنه عليكو ولا حاجه انا بقول الحقيقه الولاد فعلا كدا اساسا ولا انت عندك رأى تانى _يمهل ولا يهمل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قالى الوداع قولتلو .....قشطة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shbabalda3oa :: القسم العام :: ضحك وفرفشه-
انتقل الى: